„Производител” е секое физичко или правно лице кое без оглед на начинот на кој врши продажба, вклучувајќи ја и продажбата со помош на комуникација на далечина која е уредена со прописите за заштита на потрошувачите: – произведува производи од членот 5 став (1) од Законот за управување со дополнителни текови на отпад и за прв пат ги пушта на пазарот во Република Северна Македонија или на професионална основа, заради вршење на својата дејност, увезува во Република Северна Македонија и прв пат ги пушта на пазарот производите од членот 5 став (1) од Законот за управување со дополнителни текови на отпад, – како краен корисник, за свои потреби, увезува производи од членот 5 став (1) од Законот за управување со дополнителни текови на отпад без посредник, – на професионална основа увезува употребувани производи од членот 5 став (1) од Законот за управување со дополнителни текови на отпад и за прв пат ги пушта во Република Северна Македонија – е основано во друга земја и продава со помош на комуникација на далечина директно на крајните корисници во Република Северна Македонија производи од членот 5 став (1) од Законот за управување со дополнителни текови на отпад.

Согласно Законот за управување со дополнителни текови на отпад Член 19 Регистар на производители. До Министерство за животна средина и просторно планирање се доставуваат следните документи: -барање за регистрација (истото треба да се потполни со податоци од фирмата, а во точка 8.4 да се наведат по категоризација и во кг количините на текстилни производи кои Вашата фирма ги пуштила на МК пазар во 2023. – тековна состојба – уплатница од 50 денари – договор со Колективен постапувач за текстилен отпад.

„Колективен постапувач“ е непрофитно правно лице, основано од најмалку два производители, кое поседува дозвола за колективен постапувач за управување со посебен тек на отпад издадена од стручниот орган согласно со одредбите од Законот за проширена одговорност на производителот за управување со посебните текови на отпад, како и прописот кој го уредува управувањето со тој тек на отпад и кое во име на производителите, кои се членови или основачи на колективниот постапувач, за определен надоместок, ги презема нивните обврски за проширена одговорност кои се однесуваат на управување со посебните текови на отпад. Колективниот постапувач во своето работење при управувањето со посебните текови на отпад ги применува одредбите од Законот за проширена одговорност на производителот за управување со посебните текови на отпад, како и одредбите од прописите за управување со отпад и прописите запосебните текови на отпад. Субјектите кои управуваат со отпад се должни да поседуваат дозвола за управување со отпад доколку: 1) собираат и транспортираат отпад; 2) складираат отпад или 3) преработуваат или рециклираат отпад во стационарни или мобилни постројки. Колективниот постапувач за текстилен отпад има лиценца за колективен постапувач и не смее да поседува друга дозвола од погоре наведените.